無情安平港
《無情安平港》Bô-tsîng An-pîng-káng
阿錡A-kî
——————————————
恬恬離開安平港
tiām-tiām lī-khui An-pîng-káng
暗暗已經哭三工
àm-àm í-king khàu sann-kang
海茫茫
hái bâng-bâng
心茫茫
sim bâng-bâng
一場破碎的戀夢
tsi̍t-tiûnn phò-tshuì ê luân-bāng
欲離開
beh lī-khui
駛孤帆
sái koo-phâng
天嘛崩地嘛崩
thinn mā pang tē mā pang
一段情若破網
tsi̍t-tuānn tsîng nā phuà-bāng
閣較毋甘也著放
koh-khah m̄-kam iā tio̍h pàng
決心離開安平港
kuat-sim lī-khui An-pîng-káng
真心愛你無彩工
tsin-sim ài lí bô-tshái-kang
海茫茫愛茫茫
hái bâng-bâng ài bâng-bâng
一粒真心換絕望
tsi̍t-lia̍p tsin-sim uānn tsua̍t-bāng
按怎我上愛的人
án-tsuánn guá siōng ài ê lâng
傷我傷甲遮爾重
siunn guá siong kah tsiah-nī tāng
從今後分西東
tsiông-kim-āu hun se-tang
離開無情安平港
lī-khui bô-tsîng An-pîng-káng
