等伴

《等伴》Tán Phuānn

方瑞娥Png Suī-ngôo

——————————————

孤單戇戇

koo-tuann gōng-gōng

坐踮大樹跤

tsē tiàm tuā-tshiū-kha

暗風吹來

àm-hong tshue lâi

一陣一陣寒

tsi̍t-tsūn-tsi̍t-tsūn kuânn

等無愛人仔通做伴

tán-bô ài-jîn-á thang tsuè-phuānn

孤鳥嘛為阮吼無伴

koo-tsiáu mā uī gún háu bô-phuānn

今夜天星月娘

kim-iā thinn-tshinn gue̍h-niû

敢會相招走去奅

kám ē sio-tsio tsáu-khì phānn

莫怪雨水遮爾好膽

bo̍k-kuài hōo-tsuí tsiah-nī hó-tánn

啊~風雨

ah~ hong-hōo

較大嘛毋驚

khah tuā mā m̄-kiann

上驚你

siōng kiann lí

上驚你情變卦

siōng kiann lí tsîng piàn-kuà

心愛的趕緊來

sim-ài–ê kuánn-kín lâi

轉來轉來共阮看

tńg-lâi tńg-lâi kā gún khuànn