滿天淚
《滿天淚》Muá-thinn Luī
文豪Bûn-hô
——————————————
寒風吹來葉離枝
hân-hong tshue–lâi hio̍h lî-ki
像你的心
tshiūnn lí ê sim
離我千萬里
lî guá tshian-bān lí
花若無芳味
hue nā bô phang-bī
親像愛情已過去
tshin-tshiūnn ài-tsîng í kuè–khì
想欲挽回無勇氣
siūnn-beh bán-huê bô ióng-khì
毋知敢會閣想起
m̄-tsai kám ē koh siūnn-khí
想起彼段
siūnn-khí hit tuānn
咱相愛的日子
lán siong-ài ê ji̍t-tsí
一粒心猶放袂開
tsi̍t-lia̍p sim iáu pàng buē-khui
是情是愛是過去
sī tsîng sī ài sī kuè-khì
望你會當看見
bāng lí ē-tàng khuànn-kìnn
滿天的珠淚
muá-thinn ê tsu-luī
是我欲予你的情意
sī guá beh hōo lí ê tsîng-ì
望你會當看見
bāng lí ē-tàng khuànn-kìnn
滿天的雨水
muá-thinn ê hōo-tsuí
是我對你滿腹的相思
sī guá tuì lí muá-pak ê siunn-si
