天若暗
《天若暗》Thinn Nā Àm
文豪Bûn-hô
——————————————
天若漸漸暗
thinn nā tsiām-tsiām àm
船也欲回航
tsûn iā beh huê-hâng
毋敢來喝忝
m̄-kánn lâi huah thiám
厝內有序大人
tshù-lāi ū sī-tuā-lâng
媽媽啊你一人
má-mah–ah lí tsi̍t-lâng
阮出外拍拚咧討趁
gún tshut-guā phah-piànn teh thó-thàn
為著生活佮願望
uī-tio̍h sing-ua̍h kah guān-bāng
阮欲來照顧你一世人
gún beh lâi tsiàu-kòo lí tsi̍t-sì-lâng
媽媽你來晟養阮
má-mah lí lâi tshiânn-ióng guán
風吹雨拍淋甲澹
hong tshue hōo phah lâm kah tâm
食過的苦無怨嘆
tsia̍h–kuè ê khóo bô uàn-thàn
這份恩情怎來還
tsit hūn un-tsîng tsuánn lâi huân
