文甲的擦鞋童
《文甲的擦鞋童》Bûn-kah ê Tshat-ê-tông
文甲Bûn-kah
白光合唱團Pi̍k-kong Ha̍p-tshiùnn-thuân
——————————————
拍拚的少年家啊
phah-piànn ê siàu-liân-ke–ah
擦啊嘛擦皮鞋
tshat–ah-mah tshat phuê-ê
透早就出門
thàu-tsá tiō tshut-mn̂g
擦啊嘛擦到暝昏
tshat–ah-mah tshat kah mê-hng
朋友你若有欲交關
pîng-iú lí nā ū bueh kau-kuan
請緊來試一下看覓
tshiánn kín lâi tshì–tsi̍t-ē khuànn-māi
絕對包你心會歡喜
tsua̍t-tuì pau lí sim ē huann-hí
滿面笑微微
muá-bīn tshiò bî-bî
快樂的少年家啊
khuài-lo̍k ê siàu-liân-ke–ah
擦啊嘛擦皮鞋
tshat–ah-mah tshat phuê-ê
無論好歹天
bô-lūn hó-pháinn thinn
阮也嘛無去管伊
gún iā mā bô khì kuán i
手也振動
tshiú iā tín-tāng
喙也唸歌
tshuì iā liām-kua
感覺著真正趣味
kám-kak to̍h tsin-tsiànn tshù-bī
世間所有榮華富貴
sè-kan sóo-ū îng-huâ hù-kuì
對阮無稀奇
tuì gún bô hi-kî
孤單的少年家啊
koo-tuann ê siàu-liân-ke–ah
擦也嘛擦皮鞋
tshat iā mā tshat phuê-ê
雙手提家私
siang-tshiú the̍h ke-si
擦也嘛頭殼犁犁
tshat iā mā thâu-khak luê-luê
身邊只有這跤鞋箱
sin-pinn tsí-ū tsit kha ê-siunn
陪伴阮流浪走西東
puê-phuānn gún liû-lōng tsáu se-tang
總是希望
tsóng–sī hi-bāng
早日達成
tsá-ji̍t ta̍t-sîng
青春的美夢
tshing-tshun ê bí-bāng
