望你記著
《望你記著》Tsîng Té Ì Mî-mî
紀露霞Kí Lōo-hâ
——————————————
你猶會記得袂
lí iáu ē-kì-eh buē
咱故鄉的田園
lán kòo-hiong ê tshân-hn̂g
咱離開已經三年
lán lī-khui í-king sann-nî
近來音信也絕斷
kīn-lâi im-sìn iā tsua̍t-tn̄g
你所種的彼欉檳榔
lí sóo tsìng ê hit tsâng pin-nn̂g
已經結子心黃黃
í-king kiat-tsí sim n̂g-n̂g
阮若看著心頭酸
gún nā khuànn–tio̍h sim-thâu sng
引阮想著你
ín gún siūnn-tio̍h lí
想你怎樣毋倒轉
siūnn lí tsuánn-iūnn m̄ tò-tńg
你猶會記得袂
lí iáu ē-kì-eh buē
咱離開的彼暝
lán lī-khui ê hit-mî
雨毛毛踮在車頭
hōo mn̂g-mn̂g tiàm-tsāi tshia-thâu
情意真厚分袂離
tsîng-ì tsin kāu hun buē-lî
你交代的句句言語
lí kau-tài ê kù-kù giân-gí
猶原留在阮心脾
iu-guân lâu tsāi gún sim-pî
阮若想著目屎就滴
gún nā siūnn–tio̍h ba̍k-sái tsiū tih
暝日恨著你
mî-ji̍t hūn tio̍h lí
恨你怎樣遮絕義
hūn lí tsuánn-iūnn tsiah tsua̍t-gī
你猶會記得袂
lí iáu ē-kì-eh buē
咱細漢的代誌
lán suè-hàn ê tāi-tsì
咱兩个走去山崙
lán nn̄g-ê tsáu-khì suann-lūn
起樹頂挽紅柿
peh khí tshiū-tíng bán âng-khī
你一時來失了注意
lí tsi̍t-sî lâi sit liáu tsù-ì
跋落樹跤哭啼啼
pua̍h-lo̍h tshiū-kha khàu thî-thî
阮若想著彼時代誌
gún nā siūnn-tio̍h hit-sî tāi-tsì
就來念著你
tsiū lâi liām tio̍h lí
念你怎樣過日子
liām lí tsuánn-iūnn kuè ji̍t-tsí
