醉天天
《醉天天》Tsuì Thian-thian
忠鋒Tiong-hong
——————————————
我手捀酒一杯
guá tshiú phâng tsiú tsi̍t-pue
啊你也一杯
ah lí iā tsi̍t-pue
咱逐家來乾杯唉唷!
lán ta̍k-ke lâi kan-pue haih-iooh!
爽快啉一杯
sóng-khuài lim–tsi̍t-pue
啊啉予醉茫茫
ah lim hōo tsuì-bâng-bâng
啊人生成功失敗
ah jîn-sing sîng-kong sit-pāi
免怨嘆唉唷!
bián uàn-thàn haih-iooh!
世間宛然
sè-kan uán-jiân
就親像是眠夢
tsiū tshin-tshiūnn sī bîn-bāng
鹹酸苦味
kiâm-sng-khóo bī
食袂完唉唷!
tsia̍h bē uân haih-iooh!
有幾个好景緻
aih-iō! ū kuí ê hó kíng-tì
咱攏是好兄弟
lán lóng-sī hó-hiann-tī
杯底毋通飼金魚
pue-tué m̄-thang tshī kim-hî
哎喲!拜託來啉落去
aih-iō! pài-thok lâi lim–lo̍h-khì
我來敬你一杯
guá-lâi kìng lí tsi̍t-pue
啊敬伊一杯
ah kìng i tsi̍t-pue
咱盡量來乾杯唉唷!
lán tsīn-liōng lâi kan-pue haih-iooh!
有酒也有菜
ū tsiú iā ū tshài
啊毋啉是戇呆
ah m̄ lim sī gōng-tai
拜託燒酒
pài-thok sio-tsiú
閣再三打來唉唷!
koh-tsài sann-tánn lâi haih-iooh!
毋管有啥物
m̄-kuán ū siánn-mih
天大的困難
thinn tuā ê khùn-lân
手捀燒酒
tshiú phâng sio-tsiú
心輕鬆唉唷!
sim khin-sang haih-iooh!
有幾个好日子
ū kuí ê hó ji̍t-tsí
咱攏是好兄弟
lán lóng-sī hó-hiann-tī
有酒毋啉
ū tsiú m̄ lim
欲等何時
beh tán hô-sî
哎喲!趕緊來啉落去
aih-iō! kuánn-kín lâi lim–lo̍h-khì
我佮你喝三杯
guá kah lí huah sann-pue
啊輸拳贏嘛酒
ah su kûn iânn mā tsiú
一定愛來乾杯唉唷!
it-tīng ài lâi kan-pue haih-iooh!
bû–lâi tsiooh–lâi phah
啊六輪拚八仙
ah lo̍k–lián piànn pat-sian
la̍k–lián
有來有去
ū lâi ū khì
仙喝喝無停唉唷!
sian huah huah bô-thîng haih-iooh!
逐家來啉予
ta̍k-ke lâi lim hōo
爽快醉天天
sóng-khuài tsuì thian-thian
啊無煩無惱
ah bô-huân bô-ló
心真清唉唷!
sim tsin tshing haih-iooh!
有幾个好時機
ū kuí ê hó sî-ki
咱攏是好兄弟
lán lóng-sī hó-hiann-tī
燒酒透海
sio-tsiú thàu-hái
免細膩
bián suè-jī
哎喲!逐家來啉落去
aih-iō! ta̍k-ke lâi lim–lo̍h-khì
