女性的吐大氣
《女性的吐大氣》Lú-sìng ê Thóo-tuā-khuì
洪瑞蘭Âng Suī-lân(秀蘭Siù-lân)
——————————————
無論是天邊海底
bô-lūn sī thinn-pinn hái-té
永遠欲做伙
íng-uán beh tsuè-hué
這款的山盟海誓
tsit khuán ê san-bîng hái-sè
所約束的話
sóo iok-sok ê uē
全毋知是假的
tsuân m̄-tsai sī ké–ê
信賴伊一个
sìn-lāi i tsi̍t-ê
啊!啊!啊!啊!
ah! ah! ah! ah!
啥人袂啥人袂
siánn-lâng buē, siánn-lâng buē
啥人袂來怨慼
siánn-lâng buē lâi uàn-tshueh
啊~女性的吐大氣
ah~ lú-sìng ê thóo-tuā-khuì
將性命交伊一个
tsiong sènn-miā kau i tsi̍t-ê
真情愛到底
tsin-tsîng ài kàu té
這款的純情的花
tsit khuán ê sûn-tsîng ê hue
怎樣無惜花
tsuánn-iūnn bô sioh hue
被風來吹落地
pī hong lâi tshue lo̍h-tē
犧牲著一切
hi-sing tio̍h it-tshè
啊!啊!啊!啊!
ah! ah! ah! ah!
青春花青春花
tshing-tshun hue, tshing-tshun hue
青春花不再回
tshing-tshun hue put-tsài huê
啊~女性的吐大氣
ah~ lú-sìng ê thóo-tuā-khuì
愛神來戲弄
ài-sîn lâi hì-lāng
情人編織的美夢
tsîng-lâng pian-tsit ê bí-bāng
如今是變成春夢
jû-kim sī piàn-sîng tshun-bāng
枉費阮花欉
óng-huì gún hue-tsâng
愛佮恨心苦痛
ài kah hūn sim khóo-thàng
想著伊一人
siūnn-tio̍h i tsi̍t-lâng
啊!啊!啊!啊!
ah! ah! ah! ah!
痴情的痴情的
tshi-tsîng ê, tshi-tsîng ê
痴情的影暗淡
tshi-tsîng ê iánn àm-tām
啊~女性的吐大氣
ah~ lú-sìng ê thóo-tuā-khuì
