約束

《約束》Iok-sok
江蕙Kang Huī
——————————————
你敢知影手欲放
lí kám tsai-iánn tshiú beh pàng
恬恬看你去
tiām-tiām khuànn lí khì
著愛偌濟勇氣
tio̍h-ài guā-tsuē ióng-khì

你敢知影心欲橫
lí kám tsai-iánn sim beh huînn
目屎吞落去
ba̍k-sái thun–lo̍h-khì
感覺有偌空虛
kám-kak ū guā khang-hi

你敢知影阮規暗
lí kám tsai-iánn gún kui àm
愣愣睏袂去
gāng-gāng khùn buē khì
心內較想也是你
sim-lāi khah siūnn iā-sī lí

你敢知影這世人
lí kám tsai-iánn tsit-sì-lâng
我上愛的就是你
guá siōng ài–ê tiō-sī lí

明明知影放你去
bîng-bîng tsai-iánn pàng lí khì
就會永遠失去你
tiō ē íng-uán sit-khì lí
也是將阮的命運
iā-sī tsiong gún ê miā-ūn
交予天來決定
kau hōo thinn lâi kuat-tīng

但是咱兩人有約束
tān-sī lán nn̄g-lâng ū iok-sok
一定愛好好保重
it-tīng ài hó-hó pó-tiōng
一定愛幸福嘛愛快樂
it-tīng ài hīng-hok mā ài khuài-lo̍k
雖然分開是遮艱苦
sui-jiân hun-khui sī tsiah kan-khóo

但是咱兩人有約束
tān-sī lán nn̄g-lâng ū iok-sok
無論按怎的結局
bô-lūn án-tsuánn ê kiat-kio̍k
我會用真心共你祝福
guá ē iōng tsin-sim kā lí tsiok-hok
我的未來你免煩惱
guá ê bī-lâi lí bián huân-ló
—

我的心情家己來照顧
guá ê sim-tsîng ka-kī lâi tsiàu-kòo
我的未來你免煩惱
guá ê bī-lâi lí bián huân-ló