一生的兄弟
《一生的兄弟》It-sing ê Hiann-tī
楊哲Iûnn Tiat
——————————————
真心來感謝你
tsin-sim lâi kám-siā lí
無相棄嫌我這个戇小弟
bô sio-khì-hiâm guá tsit-ê gōng-sió-tī
條直甲無伶俐
tiâu-ti̍t kah bô líng-lī
對我有情閣有義
tuì guá ū-tsîng koh ū-gī
這杯酒我敬你
tsit pue tsiú guá kìng lí
朋友兄弟
pîng-iú hiann-tī
恁遮爾阿沙力
lín tsiah-nī a-sá-lih
相伨啊無推辭
sio-thīn–ah bô the-sî
上蓋瑪摺的好兄弟
siōng-kài má-tsih ê hó-hiann-tī
啊~海海人生
ah~ hái-hái jîn-sing
短短數十年
té-té sòo-tsa̍p nî
靠天晟
khò thinn tshiânn
啊~不如靠家己
ah~ put-jû khò ka-kī
啊~拍拚人生
ah~ phah-piànn jîn-sing
總有坎坷時
tsóng ū khám-khia̍t sî
佳哉有恁對我的支持
ka-tsài ū lín tuì guá ê tsi-tshî
最讚的人情味
tsuè tsán ê jîn-tsîng-bī
互相關懷
hōo-siong kuan-huâi
若親情的友誼
ná tshin-tsîng ê iú-gî
我真正有福氣
guá tsin-tsiànn ū hok-khì
佮恁一生做好兄弟
kah lín it-sing tsuè hó-hiann-tī
—
佮恁一生做好兄弟
kah lín it-sing tsuè hó-hiann-tī
佮恁一生做好兄弟
kah lín it-sing tsuè hó-hiann-tī
