天公伯仔
《天公伯仔》Thinn-kong-peh–á
楊哲Iûnn Tiat
——————————————
立誓毋願
li̍p-sè m̄-guān
閣再相信你的人
koh-tsài siong-sìn lí ê lâng
也毋願
iā m̄-guān
閣再墜落你的網
koh-tsài tuī-lo̍h lí ê bāng
為何天
uī-hô thinn
哪會不從人願
ná ē put-tsiông jîn-guān
偏偏一再為伊來留戀
phian-phian it-tsài uī i lâi liû-luân
立誓毋願
li̍p-sè m̄-guān
閣再走揣你的人
koh-tsài tsáu-tshuē lí ê lâng
也毋願
iā m̄-guān
閣再飛入你的夢
koh-tsài pue ji̍p lí ê bāng
天公敢一定是疼戇人
thinn-kong kám it-tīng sī thiànn gōng-lâng
偏偏為伊犧牲為伊茫
phian-phian uī i hi-sing uī i bâng
啊~天公伯仔
ah~ thinn-kong-peh–á
你哪會甘忍心
lí ná ē-kam jím-sim
看阮為伊拖磨一世人
khuànn gún uī i thua-buâ tsi̍t-sì-lâng
目箍紅了閣再紅
ba̍k-khoo âng liáu koh-tsài âng
猶原得袂著你的指點
iu-guân tit buē tio̍h lí ê tsí-tiám
一再放肆
it-tsài hòng-sù
予命運來戲弄
hōo miā-ūn lâi hì-lāng
