一張批
《一張批》Tsi̍t-tiunn Phue
董育君 Tàng Io̍k-kun
——————————————
感謝你予我愛過
kám-siā lí hōo guá ài–kuè
予我心疼也遮濟
hōo guá sim thiànn iā tsia tsuē
恨我家己袂覺醒
hūn guá ka-kī buē kak-tshénn
無資格會當講後悔
bô tsu-keh ē-tàng kóng hiō-hué
我恨我
guá hūn guá
無控制
bô khòng-tsè
感情予你提去賣
kám-tsîng hōo lí the̍h-khì bē
一粒心佇風中飛
tsi̍t-lia̍p sim tī hong-tiong pue
吼規暝
háu kui-mê
我欲流著目屎佇遮坐
guá beh lâu tio̍h ba̍k-sái tī tsia tsē
等你轉來講歹勢
tán lí tńg-lâi kóng pháinn-sè
予你知影
hōo-lí tsai-iánn
一个人有偌歹過
tsi̍t-ê-lâng ū guā pháinn kuè
我會一工寫著一張批
guá ē tsi̍t-kang siá tio̍h tsi̍t-tiunn phue
叫你轉來講後悔
kiò lí tńg-lâi kóng hiō-hué
我欲叫你騙我的話
guá beh kiò lí phiàn guá ê uē
攏收回
lóng siu-huê
