已讀不回
《已讀不回》Í-tha̍k Put-huê
董育君Táng Io̍k-kun
——————————————
到底你是咧搬啥貨
tàu-té lí sī teh puann siánn-huè
敢是電影看傷濟
kám-sī tiān-iánn khuànn siunn tsuē
又閣咧演神祕客
iū-koh teh ián sîn-pì-kheh
敢是會飛
kám-sī ē pue
毋知你是咧想啥貨
m̄-tsai lí sī teh siūnn siánn-huè
抑是予人掠去賣
ia̍h-sī hōo-lâng lia̍h khì bē
害人佇遮等規暝
hāi-lâng tī tsia tán kui-mê
攏袂歹勢
lóng buē pháinn-sè
到底是訊號無半格
tàu-tué sī sìn-hō bô puànn-keh
抑是手機予人抾去賣
ia̍h-sī tshiú-ki hōo-lâng khioh khì bē
我請你趕緊講詳細
guá tshiánn lí kuánn-kín kóng siông-sè
敢講你欲佮我覕相揣
kám-kóng lí beh kah guá bih-sio-tshuē
是按怎
sī-án-tsuánn
你已讀不回
lí yǐdúbùhuí
是按怎
sī-án-tsuánn
你毋接電話
lí m̄-tsiap tiān-uē
我的心像風
guá ê sim tshiūnn hong
佇咧吹啊吹
tī-leh tshue–ah tshue
吹甲心肝開始著火
tshue kah sim-kuann khai-sí to̍h-hué
你真超過
lí tsin tshiau-kuè
