姻緣一條線
《姻緣一條線》In-iân Tsi̍t-tiâu Suànn
陳怡婷Tân Î-tîng
——————————————
人講好姻緣
lâng kóng hó in-iân
需要天註定
su-iàu thinn tsù-tiānn
毋通凊凊彩彩揀一个伴
m̄-thang tshìn-tshìn-tshái-tshái kíng tsi̍t-ê phuānn
互相相意愛
hōo-siong sio-ì-ài
真心來疼痛
tsin-sim lâi thiànn-thàng
好額散赤媠䆀也無差
hó-gia̍h sàn-tshiah suí-bái iā bô-tsha
若愛好姻緣
nā ài hó in-iân
毋免賭性命
m̄-bián tóo sìnn-miā
緣份若來
iân-hūn nā lâi
自然出現一个伴
tsū-jiân tshut-hiān tsi̍t-ê phuānn
互相無棄嫌
hōo-siong bô-khì-hiâm
好䆀鬥陣擔
hó-bái tàu-tīn tann
天生一對
thian sing tsi̍t-tuì
永遠陪你行
íng-uán puê lí kiânn
啊~姻緣一條線
ah~ in-iân tsi̍t-tiâu suànn
月老鬥相共
gua̍t-nóo tàu-sann-kāng
啥人佮阮心肝縛相倚
siánn-lâng kah gún sim-kuann pa̍k sio-uá
啊~姻緣這條線
ah~ in-iân tsit tiâu suànn
純情囥佇遮
sûn-tsîng khǹg tī tsia
等待有情的人做伴
tán-thāi ū-tsîng ê lâng tsuè-phuānn
