幸福的花芳
《幸福的花芳》Hīng-hok ê Hue-phang
陳怡婷Tân Î-tîng
——————————————
無聲的情批怎會哭
bô-siann ê tsîng-phue tsuánn ē khàu
敢是昨暝滴落的淚痕
kám-sī tsa-mî tih lo̍h ê luī-hûn
情深的人失了魂
tsîng tshim ê lâng sit liáu hûn
緣就按呢來拍損
iân tiō án-ne lâi phah-sńg
冷冷的秋風來借問
líng-líng ê tshiu-hong lâi tsioh-mn̄g
我的愛人哪無陪伴阮
guá ê ài-jîn ná bô puê-phuānn gún
紅紅的目睭為伊痠
âng-âng ê ba̍k-tsiu uī i sng
從此關了心門
tsiông-tshú kuinn liáu sim-mn̂g
幸福的花芳
hīng-hok ê hue-phang
已經變無味
í-king piàn bô-bī
愛也已經拍毋見
ài iā í-king phàng-kìnn
我只是你的一段過去
guá tsí-sī lí ê tsi̍t-tuānn kuè-khì
講啥物舊情綿綿
kóng siánn-mih kū-tsîng mî-mî
幸福的花芳
hīng-hok ê hue-phang
已經無著時
í-king bô tio̍h-sî
愛也已經消失
ài iā í-king siau-sit
你只是我的一段記持
lí tsí-sī guá ê tsi̍t-tuānn kì-tî
三五冬就放袂記
sann-gōo tang tiō pàng-buē-kì
