行船人
《行船人》Kiânn-tsûn-lâng
許石Khóo Tsio̍h
——————————————
透早大海罩雺霧
thàu-tsá tuā-hái tà bông-bū
阮是行船仔的身軀
gún sī kiânn-tsûn-á ê sin-khu
這隻小船是阮厝
tsit tsiah sió-tsûn sī gún tshù
波浪做枕半沉浮
pho-lōng tsuè tsím puànn tîm-phû
啊~波浪做枕半沉浮
ah~ pho-lōng tsuè tsím puànn tîm-phû
駛到半海掛船帆
sái kàu puànn-hái kuà tsûn-phâng
想起愛人仔分西東
siūnn-khí ài-jîn-á hun se-tang
風浪若靜快眠夢
hong-lōng nā tsīng khuài bîn-bāng
夢見回鄉揣彼人
bāng-kìnn huê-hiong tshē hit lâng
啊~夢見回鄉揣彼人
ah~ bāng-kìnn huê-hiong tshē hit lâng
夢中相見半悲喜
bāng-tiong sio-kìnn puànn pi-hí
忽然耳邊海鳥啼
hut-jiân hīnn-pinn hái-tsiáu thî
將阮好夢來拍醒
tsiong gún hó-bāng lâi phah-tshínn
慒心空空過一暝
tso-sim khang-khang kè tsi̍t-mî
啊~慒心空空過一暝
ah~ tso-sim khang-khang kè tsi̍t-mî
