難分難離

《難分難離》Lân Hun Lân Lî
王識賢Ông Sik-hiân
——————————————
一个人恬恬來離開
tsi̍t-ê-lâng tiām-tiām lâi lī-khui
離開愛情離開你
lī-khui ài-tsîng lī-khui lí
捾一跤沉重的行李
kuānn tsi̍t-kha tîm-tāng ê hîng-lí
傷心的淚貯滇滇
siong-sim ê luī té tīnn-tīnn

一場夢予你來拍碎
tsi̍t-tiûnn bāng hōo lí lâi phah-tshuì
醒來才知情是啥物
tshínn–lâi tsiah tsai tsîng sī siánn-mih
我的心變成枉費
guá ê sim piàn-sîng óng-huì
這條情路到遮為止
tsit tiâu tsîng-lōo kàu tsia uî-tsí

難分難離
lân-hun lân-lî
雖然我有千言萬語
sui-jiân guá ū tshian-giân bān-gí
猶原毋敢對你講出
iu-guân m̄-kánn tuì lí kóng-tshut
愛你愛你
ài lí ài lí

難分難離
lân-hun lân-lî
從今以後
tsiông-kim í-āu
無你在身邊
bô lí tsāi sin-pinn
我的一生
guá ê it-sing
只賰孤單兩字
tsí tshun koo-tuann nn̄g-jī