愛情的輪迴
《愛情的輪迴》Ài-tsîng ê Lûn-huê
曹雅雯Tsô Ngá-bûn
——————————————
你的魂佇風中
lí ê hûn tī hong-tiong
無塊倚靠
bô-tè uá-khò
用一生走揣愛情的下落
iōng it-sing tsáu-tshuē ài-tsîng ê hā-lo̍h
愛的心千百款
ài ê sim tshian-pah khuán
無人臆會著
bô-lâng ioh ē tio̍h
為感情
uī kám-tsîng
天堂地獄也敢衝
thian-tn̂g tē-ga̍k iā kánn tshiong
你的心內
lí ê sim-lāi
藏著無形的寂寞
tshàng tio̍h bô-hîng ê tsi̍k-bo̍k
咱的愛會有怎樣的結果
lán ê ài ē ū tsuánn-iūnn ê kiat-kó
一場夢一陣風
tsi̍t-tiûnn bāng tsi̍t-tsūn hong
眼神充滿了失落
gán-sîn tshiong-buán liáu sit-lo̍h
但願你這一生會當快樂
tān-guān lí tse it-sing ē-tàng khuài-lo̍k
愛你的心
ài lí ê sim
就親像一粒鎖
tiō tshin-tshiūnn tsi̍t-lia̍p só
拍袂開
phah buē khui
行袂入你的心中
kiânn buē ji̍p lí ê sim-tiong
阮永遠會記
gún íng-uán ē-kì
你彼个深情的笑容
lí hit ê tshim-tsîng ê tshiò-iông
毋願你一生為愛來受傷
m̄-guān lí it-sing uī ài lâi siū-siong
愛情的苦
ài-tsîng ê khóo
欲怎樣來形容
beh tsuánn-iūnn lâi hîng-iông
多謝你會當將阮來感動
tō-siā lí ē-tàng tsiong gún lâi kám-tōng
每一夜在夢中
muí tsi̍t-iā tsāi bāng-tiong
希望佮你再相逢
hi-bāng kah lí tsài siong-hông
阮甘願忍受輪迴的苦楚
gún kam-guān jím-siū lûn-huê ê khóo-tshóo
