寂寞花
https://www.youtube.com/watch?v=97fZQ0QSQFc&fbclid=IwAR16tG5R22tMrDYHyElvNU5bDM2BVv3KyBSkY5pzlvfWoRcQ3GthsAqJjpk
《寂寞花》Tsi̍k-bo̍k-hue
紀露霞Kí Lōo-hâ
——————————————
美麗的青春夢
bí-lē ê tshing-tshun bāng
真毋甘來斷送
tsin m̄-kam lâi tuān-sàng
小雨毛毛踮樓窗
sió-hōo mn̂g-mn̂g tiàm lâu-thang
孤單寂寞心茫茫
koo-tuann tsi̍k-bo̍k sim bâng-bâng
無情的罩雺暝
bô-tsîng ê tà-bông mî
恬恬離開阮身邊
tiām-tiām lī-khui gún sin-pinn
早前彼个人
tsá-tsîng hit ê lâng
總是毋知阮來
tsóng-sī m̄-tsai gún lâi
為伊暝日心苦痛
uī i mî-ji̍t sim khóo-thàng
優雅的黃昏後
iu-ngá ê hông-hun āu
伊伴阮在船頭
i phuānn gún tsāi tsûn-thâu
㔂風陣陣對面剾
lân-hong tsūn-tsūn tuì-bīn khau
雙人頭毛亂操操
siang-lâng thâu-mn̂g luān-tshau-tshau
快樂的初戀時
khuài-lo̍k ê tshoo-luân sî
綿綿情話糖蜜甜
mî-mî tsîng-uē thn̂g-bi̍t-tinn
雙人情意厚
siang-lâng tsîng-ì kāu
無人知阮今日
bô-lâng tsai gún kim-ji̍t
為伊思慕目屎流
uī i su-bōo ba̍k-sái lâu
暗淡的桌邊燈
àm-tām ê toh-pinn ting
陪伴阮怨悲情
puê-phuānn gún uàn pi-tsîng
心事重重鬧袂清
sim-sū tāng-tāng nāu buē tshing
情緒無法寫分明
tsîng-sū bô-huat siá hun-bîng
薄情的貼心君
po̍k-tsîng ê tah-sim kun
明明你來辜負著
bîng-bîng lí lâi koo-hū tio̍h
寶貴阮一生
pó-kuì gún it-sing
怎樣毋知阮來為你
tsánn-iūnn m̄-tsai gún lâi uī lí
永遠嘆薄命
íng-uán thàn po̍k-bīng