等你來求愛
https://www.youtube.com/watch?v=XxzeyFBXtt0&fbclid=IwAR2h5yHsPwluv24Fv3bi72WeJtsvkPzIZOkiCs8EOeePgL7fZEi0gjglpwk
《等你來求愛》Tán Lí Lâi Kiû-ài
紀露霞Kí Lōo-hâ
——————————————
自從阮彼日
tsū-tsiông gún hit ji̍t
拄著彼个少年家
tú-tio̍h hit-ê siàu-liân-ke
毋知怎樣
m̄-tsai tsuánn-iūnn
心情為伊迷為伊迷
sim-tsîng uī i bê uī i bê
因為伊有風度
in-uī i ū hong-tōo
行動有禮數
hîng-tōng ū lé-sòo
對阮真照顧
tuì gún tsin tsiàu-kòo
喔~阮心真稀微
ooh~ gún sim tsin hi-bî
暝日想你
mî-ji̍t siūnn lí
你心真美麗
lí sim tsin bí-lē
人誠實又坦白
lâng sîng-si̍t iū thán-pi̍k
所以阮懷抱純情
sóo-í gún huâi-phāu sûn-tsîng
在心內等著你
tsāi sim-lāi tán tio̍h lí
緊來求愛
kín lâi kiû-ài
會記伊彼日
ē-kì i hit ji̍t
倚來阮的身軀邊
uá-lâi gún ê sin-khu-pinn
毋知怎樣
m̄-tsai tsuánn-iūnn
伊也真細膩真細膩
i iā tsin suè-jī tsin suè-jī
應該提出勇氣
ìng-kai the̍h tshut ióng-khì
向前來表示
hiòng-tsîng lâi piáu-sī
毋好再延遲
m̄-hó tsài iân-tî
喔~青春真歡喜
ooh~ tshing-tshun tsin huann-hí
快樂春天
khuài-lo̍k tshun-thinn
花蕊正當開
hue-luí tsiànn tng khui
期待著露水滴
kî-thāi tio̍h lōo-tsuí tih
所以阮懷抱純情
sóo-í gún huâi-phāu sûn-tsîng
在心內等著你
tsāi sim-lāi tán tio̍h lí
緊來求愛
kín lâi kiû-ài
阮會來愛你
gún ē lâi ài lí
因為你生得人疼
in-uī lí sinn tit-lâng-thiànn
雙人結合
siang-lâng kiat-ha̍p
也是天註定天註定
iā-sī thinn tsù-tiānn thinn tsù-tiānn
每暗踮在樓窗
muí-àm tiàm-tsāi lâu-thang
孤單心茫茫
koo-tuann sim bông-bông
思念你一人
su-liām lí tsi̍t-lâng
喔~月娘笑微微
ooh~ ge̍h-niû tshiò bî-bî
浮出山邊
phû tshut suann-pinn
安慰阮一生
an-uì gún it-sing
絕對是真光明
tsua̍t-tuì sī tsin kong-bîng
所以阮懷抱熱情
sóo-í gún huâi-phāu jia̍t-tsîng
在心內等著你
tsāi sim-lāi tán tio̍h lí
緊來求愛
kín lâi kiû-ài
And I Love You
And I Love You
And I Love You
