港邊懷情

《港邊懷情》Káng-pinn Huâi-tsîng

洪第七Âng Tē-tshit

——————————————

昔日黃昏在港墘

sik-ji̍t hông-hun tsāi káng-kînn

你我談情糖蜜甜

lí guá tâm-tsîng thn̂g-bi̍t-tinn

碼頭海風也送情意

bé-thâu hái-hong iā sàng tsîng-ì

予咱情綿綿

hōo lán tsîng mî-mî

因何你我環境所致

in hô lí guá khuân-kíng sóo-tì

從此分離斷情絲

tsiông-tshú hun-lî tuān tsîng-si

思念你

su-liām lí

心傷悲

sim siong-pi

孤星伴我怨長暝

koo-tshinn phuānn guá uàn tn̂g-mî

孤單徘徊夜港邊

koo-tuann pâi-huê iā-káng-pinn

碼頭街燈帶愁意

bé-thâu kue-ting tài tshiû-ì

海風冷吱吱又稀微

hái-hong líng-ki-ki iū hi-bî

引我想彼時

ín guá siūnn hit-sî

無言無語拆散分離

bô-giân-bô-gí thiah-suànn hun-lî

魂斷藍橋苦無比

hûn tuān nâ-kiô khóo bô-pí

思念你

su-liām lí

心哀悲

sim ai-pi

月娘伴我到深更

ge̍h-niû phuānn guá kàu tshim-kinn

聽著悲酸音樂聲

thiann-tio̍h pi-sng im-ga̍k-siann

引我想起你形影

ín guá siūnn-khí lí hîng-iánn

碼頭波浪聲請暫定

bé-thâu pho-lōng-siann tshiánn tsiām tiānn

予我叫伊名

hōo guá kiò i miâ

袂得相會

buē-tit siong-huē

恨咱運命

hūn lán ūn-miā

港都夜夜哀怨聲

káng-too iā-iā ai-uàn siann

思念你

su-liām lí

心袂定

sim buē tiānn

星色月娘也知影

tshinn-sik ge̍h-niû iā tsai-iánn