空空小和尚

https://www.youtube.com/watch?v=DULM7DwXVZw&fbclid=IwAR2BsOW2MtecEUkuGPwX66Gzfk-T2XwTOEWTGWNtAXYAPYNuN6SNswf3mVA

《空空小和尚》Khong-khong Sió-huê-siūnn
王秀如Ông Siù-jû
——————————————
小鳥鼠覕在被內
sió niáu-tshù bih tsāi phuē-lāi
陪伴悾悾的小和尚
puê-phuānn khong-khong ê sió huê-siūnn
等待著三更半暝
tán-thāi tio̍h sann-kinn-puànn-mî
開始出跤手
khai-sí tshut kha-tshiú
用尾溜穿入伊的鼻空
iōng bué-liu tshng ji̍p i ê phīnn-khang
予伊來拍咳啾
hōo i lâi phah-kha-tshiùnn
小和尚伊就驚醒
sió huê-siūnn i tsiū kiann tshínn
起來亂喝咻
peh khí-lâi luān huah-hiu

覕踮在草席下底
bih tiàm-tsāi tsháu-tshio̍h ē-té
等待唸經的小和尚
tán-thāi liām-king ê sió huê-siūnn
伊若是愛睏的時
i nā-sī ài-khùn ê sî
咬伊的跤手
kā i ê kha-tshiú
予伊的雙手白白大腿
hōo i ê siang-tshiú pe̍h-pe̍h tuā-thuí
會絞來結規毬
ē ká lâi kiat-kui-kiû
伊就會徙來徙去
i tsiū ē suá lâi suá khì
伸手來來扒癢
tshun-tshiú–lâi lâi pê-tsiūnn

上銅鐘摃著木魚
tsiūnn tâng-tsing kòng tio̍h bo̍k-hî
日夜念經欲來靜修
ji̍t-iā liām-king beh lâi tsīng-siu
可惡的木蝨咬著
khó-ònn ê ba̍k-sat kā tio̍h
實在真正癢
si̍t-tsāi tsin-tsiànn tsiūnn
若是在唸經的時
nā-sī tsāi liām-king ê sî
師父約束伊的自由
su-hū iok-sok i ê tsū-iû
害著伊忍耐不住
hāi-tio̍h i jím-nāi put-tsū
只表示面憂憂
tsí piáu-sī bīn iu-iu

彼爿是鳥隻唱歌
hit-pîng sī tsiáu-tsiah tshiùnn-kua
陪伴少年的好朋友
puê-phuānn siàu-liân ê hó pîng-iú
一對的青春男女
tsi̍t-tuì ê tshing-tshun lâm-lí
相愛手牽手
siong-ài tshiú khan tshiú
小和尚看怹兩个
sió huê-siūnn khuànn in nn̄g-ê
做堆相唚甲kiù-kiù-kiù
tsuè-tui sio-tsim kah kiù-kiù-kiù
煞凝心走入內面
suah gîng-sim tsáu ji̍p lāi-bīn
關起來啉燒酒
kuainn–khí-lâi lim sio-tsiú