馬車佗位去

《馬車佗位去》Bé-tshia Tó-uī Khì

王秀如Ông Siù-jû

——————————————

玲玲玲鈴聲響亮

lin-lin-lin lîng-siann hiáng-liāng

馬車跑落深山去

bé-tshia pháu lo̍h tshim-suann khì

這爿小羊白如棉

tsit-pîng sió-iûnn pe̍h jû mî

踮在路邊頭敧敧

tiàm-tsāi lōo-pinn thâu khi-khi

一定是毋知阮來

it-tīng sī m̄-tsai gún lâi

離開爸母的身邊

lī-khui pē-bú ê sin-pinn

只有溪谷水流聲

tsí-ū khe-kok tsuí-lâu siann

伴阮心稀微

phuānn gún sim hi-bî

玲玲玲鈴聲響亮

lin-lin-lin lîng-siann hiáng-liāng

馬車跑出樹林外

bé-tshia pháu tshut tshiū-nâ guā

日落黃昏紅光線

ji̍t-lo̍h hông-hun âng kng-suànn

罩著遠遠彼爿山

tà tio̍h hn̄g-hn̄g hit-pîng suann

雖然是美麗景色

sui-jiân sī bí-lē kíng-sik

只是引阮心快活

tsí-sī ín gún sim khuìnn-ua̍h

秋風吹來車窗邊

tshiu-hong tshue lâi tshia-thang pinn

猶原透心肝

iu-guân thàu sim-kuann

玲玲玲鈴聲響亮

lin-lin-lin lîng-siann hiáng-liāng

馬車跑入小城市

bé-tshia pháu ji̍p sió siânn-tshī

大街燈火焱焱爍

tuā-kue ting-hé iānn-iānn sih

照著流浪小女兒

tsiò tio̍h liû-lōng siáu lú-jî

音樂聲輕鬆快樂

im-ga̍k-siann khin-sang khuài-lo̍k

有心安慰阮稀微

ū-sim an-uì gún hi-bî

阮怎無疑踮這位

gún tsuánn bô-gî tiàm tsit uī

度過寂寞暝

tōo-kuè tsi̍k-bo̍k mî