田庄姑娘

《田庄姑娘》Tshân-tsng Koo-niû
方瑞娥Png Suī-ngôo
林峰Lîm Hong
——————————————
火車欲行行鐵枝
hué-tshia beh kiânn kiânn thih-ki
田庄姑娘嬌滴滴
tshân-tsng koo-niû kiau-tih-tih
想欲佮伊結成堆
siūnn-beh kah i kiat-sîng-tui
啊哎喲喂
ah-ai-iō-uê
毋知伊叫啥名字啊
m̄-tsai i kiò siánn miâ-jī–ah
叫做啥名字
kiò-tsuè siánn miâ-jī

彼爿山崙百花開
hit-pîng suann-lūn pah-hue khui
阮是田庄小女兒
gún sī tshân-tsng sió lú-jî
怎樣對阮使目箭啊
tsánn-iūnn tuì gún sái-ba̍k-tsìnn–ah
哎喲喂
ai-iō-uê
毋通對阮亂亂瞠啊
m̄-thang tuì gún luān-luān tshinn–ah
對阮亂亂瞠
tuì gún luān-luān tshinn

小姐小姐我愛你
xiǎojiě xiǎojiě wǒ ài nǐ
真心真意咧愛你
tsin-sim tsin-ì teh ài lí
毋是山雞烏白啼啊
m̄-sī suann-ke oo-pe̍h thî–ah
哎喲喂
ah-ai-iō-uê
天頂月娘做證據啊
thinn-tíng ge̍h-niû tsuè tsìng-kì–ah
月娘做證據
ge̍h-niû tsuè tsìng-kì

彼條溪流水青青
hit tiâu khe-lâu tsuí tshinn-tshinn
採花就會惜花枝
tshái-hue tiō ē sioh hue-ki
你若有心結情意啊
lí nā ū-sim kiat tsîng-ì–ah
哎喲喂
ai-iō-uê
問阮媽媽的心意啊
mn̄g gún má-mah ê sim-ì–ah
媽媽來主意
má-mah lâi tsú-ì

多謝媽咪好主意
to-siā má-mi hó tsú-ì
你我雙人結連理
lí guá siang-lâng kiat liân-lí
永遠毋通拆分離啊
íng-uán m̄-thang thiah hun-lî–ah
哎喲喂
ai-iō-uê
幸福快樂過百年
hīng-hok khuài-lo̍k kè pah-nî
啊快樂過百年
ah khuài-lo̍k kè pah-nî