我所愛的人

《我所愛的人》Guá Sóo-ài ê Lâng
方瑞娥Png Suī-ngôo
林海Lîm Hái
——————————————
(男)
啊~ 我所愛的人
ah~ guá sóo-ài ê lâng
所愛的人也就是
sóo-ài ê lâng iā-tsiū-sī
對面彼个阿婆的千金
tuì-bīn hit-ê a-pô ê tshian-kim
生做瘦瘦仔
sinn-tsuè sán-sán-á
嘛袂傷大箍
mā bē siunn tuā-khoo
目睭重巡
ba̍k-tsiu tîng-sûn
雙爿酒窟
siang-pîng tsiú-khut
真正得人疼
tsin-tsiànn tit-lâng-thiànn

可惜皮膚較烏淡薄
khó-sioh phuê-hu khah oo tām-po̍h
但是真?妝
tān-sī tsin gâu tsng
我每日思念著伊
guá muí-ji̍t su-liām tio̍h i
毋敢對伊講起
m̄-kánn tuì i kóng-khí
我愛你我愛你
guá ài lí, guá ài lí

(女)
嗯~ 我思慕的人
ngh~ guá su-bōo ê lâng
思慕的人也就是
su-bōo ê lâng iā-tsiū-sī
對面彼个小妹怹兄哥
tuì-bīn hit ê sió-muē in hiann-ko
學問普通嘛英語會講
ha̍k-būn phóo-thong mā Ing-gí ē kóng
伊是毋是生成古意
i sī-m̄-sī sinn-sîng kóo-ì
實在氣死人
sit-tsāi khì sí-lâng

若是愛阮應該嘛著
nā-sī ài gún ìng-kai mā tio̍h
對阮坦白講
tuì gún thán-pe̍h kóng
阮也是純情女性
gún iā-sī sûn-tsîng lú-sìng
毋敢對伊講起
m̄-kánn tuì i kóng-khí
嘛是I Love You
mā sī I Love You

(口白)—–↓
(男)欸，阿娥，咱盈暗閣來去看電影，OK毋OK？
(女)哼，常在咧看電影，嘛無心適。
(男)抑無，煞來去公園?迌嘛！
(女)呣~ 公園阮嘛毋敢去，厝邊的人若知影，毋就歹勢甲。
(男)啊~ 毋免假歹勢啦！咱來去較暗的所在嘛。
(口白)—–↑

(男)
欸~我所愛的人
eh~ guá sóo-ài ê lâng
所愛的人若仙女
sóo-ài ê lâng ná sian-lí
實在感謝阿婆真?生
si̍t-tsāi kám-siā a-pô tsin gâu sinn
無所不至嘛引我相思
bû-sóo put-tsì mā ín guá siunn-si
若是嫁我
nā-sī kè guá
我也一定真正疼惜伊
guá iā it-tīng tsin-tsiànn thiànn-sioh i

拄才對伊使目箭
tú-tsiah tuì i sái-ba̍k-tsìnn
伊嘛真歡喜
i mā tsin huann-hí
有一日我也決定
ū-tsi̍t-ji̍t guá iā kuat-tīng
會來對伊講起
ē lâi tuì i kóng-khí
我愛你我愛你
guá ài lí, guá ài lí