彈吉他的流浪兒

https://www.youtube.com/watch?v=hC6CxYFm3r4&fbclid=IwAR2Bdm-5z6lc0NsY22WGyU2ZNzLi_IXHY6FCAiuPHE8R9lCXw1F_W42F-74

《彈吉他的流浪兒》Tuânn Gì-tah ê Liû-lōng-jî
方瑞娥Png Suī-ngôo
——————————————
吉他綴著阮
gì-tah tuè tio̍h gún
漂浪天涯的朋友
phiau-lōng thian-gâi ê pîng-iú
每暗踮在酒場內
muí-àm tiàm-tsāi tsiú-tiûnn lāi
對人客唸歌詩
tuì lâng-kheh liām kua-si
堅心為前程
kian-sim uī tsiân-thîng
夜生活
iā-sing-ua̍h
雖然有時心稀微
sui-jiân ū-sî sim hi-bî
忍耐著酸苦味
jím-nāi tio̍h sng-khóo-bī
也著來流浪流浪
iā tio̍h lâi liû-lōng liû-lōng
毋通來失志
m̄-thang lâi sit-tsì

霓虹閃閃爍
nê-ông siám-siám-sih
伴阮無聊過日子
phuānn gún bô-liâu kè ji̍t-tsí
手彈吉他喙唸歌
tshiú tuânn gì-tah tshuì liām-kua
過一暝又一暝
kè tsi̍t-mî iū tsi̍t-mî
望欲出頭天
bāng bueh tshut-thâu-thinn
雖然是若親像
sui-jiân sī ná-tshin-tshiūnn
孤單的鳥兒
koo-tuann ê tsiáu-jî
猶原來展笑容
iáu guân-lâi tián tshiò-iông
快樂來流浪流浪
khuài-lo̍k lâi liû-lōng liû-lōng
毋通來嘆氣
m̄-thang lâi thàn-khì

毋管露水滴
m̄-kuán lōo-tsuí tih
三更半夜酸風冷
sann-kinn-puànn-iā sng-hong líng
心愛吉他伴著阮
sim-ài gì-tah phuānn tio̍h gún
行暗路心驚惶
kiânn àm-lōo sim kiann-hiânn
茫茫揣前程
bâng-bâng tshuē tsiân-thîng
今夜的月娘啊
kim-iā ê gue̍h-niû–ah
暗淡無元氣
àm-tām bô guân-khì
宛然是同情阮
uán-jiân sī tông-tsîng gún
暝日來流浪流浪
mî-ji̍t lâi liû-lōng liû-lōng
寂寞的人生
tsi̍k-bo̍k ê jîn-sing