一個紅蛋

《一個紅蛋》Yī-ge Hóng-dàn
林氏好 Lîm Sī-hònn
————————————————-
思欲結髮傳囝孫
su-beh kiat-huat thuân kiánn-sun
無疑明月遇烏雲
bô-gî bîng-gua̍t gū oo-hûn
翁婿耽誤阮青春
ang-sài tam-gōo gún tshing-tshun
哎喲
aih-iooh
『一個紅蛋』動心悶
yī-ge hóng-tàn tōng sim-būn

慕想享福成雙對
bōo-siūnn hióng-hok sîng siang-tuì
哪知洞房空富貴
ná tsai tōng-pông khang hù-kuì
含蕊牡丹無露水
hâm-luí bú-tan bô lōo-tsuí
哎喲
aih-iooh
『一個紅蛋』引珠淚
yī-ge hóng-tàn ín tsu-luī

春野鴛鴦同一衾
tshun-iá uan-iunn tông it khim
傷情目屎難得禁
siong-tsîng ba̍k-sái lân-tit kìm
掛名夫妻對獨枕
kuà-miâ hu-tshe tuì to̍k tsím
哎喲
aih-iooh
『一個紅蛋』鑽亂心
yī-ge hóng-tàn tsǹg luān sim

情愛今生全無望
tsîng-ài kim-sing tsuân bô bāng
較慘水鱉墜落甕
khah tshám tsuí-pih tuī-lo̍h àng
堅守活寡十外冬
kian-siú ua̍h-kuá tsa̍p guā tang
哎喲
aih-iooh
『一個紅蛋』催苦痛
yī-ge hóng-tàn tshui khóo-thàng