心疼阮甘願

《心疼阮甘願》Sim Thiànn Gún Kam-guān

林子娟Lîm Tsú-kuan

——————————————

一場夢有你有我

tsi̍t-tiûnn bāng ū lí ū guá

夢中甜蜜煞孤單

bāng-tiong tinn-bi̍t suah koo-tuann

夢醒無你佇身邊

bāng tshínn bô lí tī sin-pinn

愛是空

ài sī khang

心頭亂

sim-thâu luān

窗外的雨

thang-guā ê hōo

了解阮心情

liáu-kái gún sim-tsiânn

為愛飄浪過一嶺

uī ài phiau-lōng kuè tsi̍t-niá

為情冒險過一山

uī tsîng mōo-hiám kuè tsi̍t-suann

證明有你每一工

tsìng-bîng ū lí muí tsi̍t-kang

食的苦

tsia̍h ê khóo

攏無怨嘆

lóng bô uàn-thàn

偏偏阮毋知你

phian-phian gún m̄-tsai lí

愛阮有偌重

ài gún ū guā tāng

你敢知阮愛你的心

lí kám tsai gún ài lí ê sim

超過阮性命

tshiau-kuè gún sìnn-miā

一生為你當做天註定

it-sing uī lí tòng-tsuè thinn tsù-tiānn

阮無要求天來疼

gún bô iau-kiû thinn lâi thiànn

只要你真心愛我

tsí-iàu lí tsin-sim ài guá

毋管咱的未來

m̄-kuán lán ê bī-lâi

到底是按怎

tàu-té sī-án-tsuánn

一世人只要有你陪伴

tsi̍t-sì-lâng tsí-iàu ū lí puê-phuānn

若是緣份起變卦

nā-sī iân-hūn khí piàn-kuà

予你自由

hōo lí tsū-iû

心疼阮甘願

sim thiànn gún kam-guān