網路情歌

《網路情歌》Bāng-lōo Tsîng-kua

林子娟Lîm Tsú-kuan

——————————————

有人上班下班

ū-lâng siōng-pan hā-pan

利用時間

lī-iōng sî-kan

攏會上網來開講

lóng ē tsiūnn-bāng lâi khai-káng

有人討論上課下課

ū-lâng thó-lūn siōng-khò hā-khò

怎樣打扮

tsuánn-iūnn tánn-pān

攏佇網路中講規暗

lóng tī bāng-lōo-tiong kóng kui-àm

MSN佮SKYPE

MSN kah SKYPE

伴阮空思戀

phuānn gún khang su-luân

欣賞男兒長頭鬃

him-sióng lâm-jî tn̂g-thâu-tsang

堂堂百八的身懸

tông-tông pah-peh ê sin-kuân

啥人是阮思慕的人選

siánn-lâng sī gún su-bōo ê jîn-suán

愛做眠夢的查某囡仔

ài tsuè bîn-bāng ê tsa-bóo-gín-á

心事寫佇青春的網站

sim-sū siá tī tshing-tshun ê bāng-tsām

夜夜守在寂寞的樓窗

āi-iā siú tsāi tsi̍k-bo̍k ê lâu-thang

引阮心茫茫情也亂

ín gún sim bâng-bâng tsîng iā luān

借著網路迷人的情歌

tsioh tio̍h bāng-lōo bê-lâng ê tsîng-kua

為你溫柔來播送

uī lí un-jiû lâi pòo-sàng

望你愛阮疼阮

bāng lí ài gún thiànn gún

惜阮一世人

sioh gún tsi̍t-sì-lâng