好運一直來
《好運一直來》Hó-ūn It-ti̍t Lâi
明日之星（許富凱、曹雅雯…等）
——————————————
歡喜佮你來熟似
huann-hí kah lí lâi si̍k-sāi
感謝緣份的安排
kám-siā iân-hūn ê an-pâi
人生的舞臺
jîn-sing ê bú-tâi
因為恁多姿多彩
in-uī lín to-tsu to-tshái
鬧熱的笑聲
lāu-jia̍t ê tshiò-siann
響透天邊雲彩
hiáng thàu thinn-pinn hûn-tshái
逍遙自由自在
siau-iâu tsū-iû tsū-tsāi
跤步同齊徛予在
kha-pōo tâng-tsê khiā hōo tsāi
毋驚厝尾做風颱
m̄-kiann tshù-bué tsuè hong-thai
只要肯拍拚
tsí-iàu khíng phah-piànn
一定就有好未來
it-tīng tiō ū hó bī-lâi
外面的世界
guā-bīn ê sè-kài
充滿希望佮期待
tshiong-buán hi-bāng kah kî-thāi
美麗的好將來
bí-lē ê hó tsiong-lâi
祝福逐家好運來
tsiok-hok ta̍k-ke hó-ūn lâi
珍惜每日的精彩
tin-sioh muí-ji̍t ê tsing-tshái
笑笑來對待
tshiò-tshiò lâi tuì-thāi
毋驚一切的阻礙
m̄-kiann it-tshè ê tsóo-gāi
拄著困難免怨嘆
tú-tio̍h khùn-lân bián uàn-thàn
跤踏實地上實在
kha ta̍h si̍t-tē siōng si̍t-tsāi
祝福逐家好運來
tsiok-hok ta̍k-ke hó-ūn lâi
春風溫暖在心內
tshun-hong un-luán tsāi sim-lāi
幸福的歌聲
hīng-hok ê kua-siann
唱出滿滿滿的愛
tshiùnn-tshut mua̋-muá-muá ê ài
人人看著你人人愛
lâng-lâng khuànn-tio̍h lí lâng-lâng ài
平安好運一直來
pîng-an hó-ūn it-ti̍t lâi
