歹囝路
《歹囝路》Pháinn-kiánn Lōo
小黑(Raju Kumara，馬來西亞)
——————————————
一枝草仔一點露
tsi̍t-ki tsháu-á tsi̍t-tiám lōo
為著愛有人照顧
uī-tio̍h ài ū-lâng tsiàu-kòo
明明知影是無前途
bêng-bêng tsai-iánn sī bô tsiân-tôo
偏偏選著歹囝路
phian-phian suán tio̍h pháinn-kiánn lōo
請你莫佮我講道理
tshiánn lí mài kah guá kóng tō-lí
三句話就愛恁爸死
sann-kù uē tiō ài lín-pē sí
我嘛毋知是為啥物
guá mā m̄-tsai sī uī-siánn-mih
有人講只是為兄弟
ū-lâng kóng tsí-sī uī hiann-tī
少年的按怎你著內傷
siàu-liân–ê án-tsuánn lí tio̍h lāi-siong
是毋是你欲做英雄
sī-m̄-sī lí beh tsuè ing-hiông
為啥物你愛歁戇
uī-siánn-mih lí ài khám-gōng
你明明知影是行袂通
lí bêng-bêng tsai-iánn sī kiânn buē-thong
你的大哥叫你兄弟
lí ê dàgē kiò lí hiann-tī
為兄弟你煞毋驚死
uī hiann-tī lí suah m̄-kiann sí
若是講你若著代誌
nā-sī-kóng lí nā tio̍h tāi-tsì
恁兜的爸母誰來飼
lín tau ê pē-bú siáng lâi tshī
