做人莫驚輸
《做人莫驚輸》Tsuè-lâng Mài Kiann Su
小黑(Raju Kumara，馬來西亞)
——————————————
做人啊莫驚輸啊
tsuè-lâng–ah mài kiann su–ah
驚輸予人看袂起
kiann su hōo-lâng khuànn-buē-khí
小小的失敗
sió-sió ê sit-pāi
咱著愛輸會起
lán tio̍h-ài su ē-khí
愛拚著莫驚輸啊
ài piànn tio̍h mài kiann su–ah
驚輸是欲算啥物
kiann su sī beh sǹg siánn-mih
小小的失志
sió-sió ê sit-tsì
莫佇咧想袂開
mài tī-leh siūnn bē-khui
做人啊莫驚輸
tsuè-lâng–ah mài kiann su
男子漢大丈夫
lâm-tsú-hàn tāi-tiōng-hu
成功兩个字
sîng-kong nn̄g-ê jī
靠你的勇氣
khò lí ê ióng-khì
大樓嘛是對地來拍址
tuā-lâu mā sī tuì tē lâi phah-tsí
千萬毋通看衰咱自己
tshian-bān m̄-thang khuànn-sue lán tsū-kí
愛有信心
ài ū sìn-sim
提起勇氣
the̍h khí ióng-khì
人生何必醉生啊佮夢死
jîn-sing hô-pit tsuì-sinn–ah kah bāng-sí
愛拚著莫驚輸啊
ài piànn tio̍h mài kiann su–ah
驚輸是欲算啥物
kiann su sī beh sǹg siánn-mih
小小的失志
sió-sió ê sit-tsì
莫佇咧想袂開
mài tī-leh siūnn bē-khui
