戀愛的人攏仝款

《戀愛的人攏仝款》Luân-ài ê Lâng Lóng Kāng-khuán
江蕙Kang Huī
——————————————
春風一日一日吹
tshun-hong tsi̍t-ji̍t tsi̍t-ji̍t tshue
希望一嶺一嶺過
hi-bāng tsi̍t-niá tsi̍t-niá kuè
看著風雨中的花蕊
khuànn-tio̍h hong-hōo tiong ê hue-luí
你敢會了解
lí kám ē liáu-kái

青春一暝一暝飛
tshing-tshun tsi̍t-mî tsi̍t-mî pue
憂愁一山一山濟
iu-tshiû tsi̍t-suann tsi̍t-suann tsuē
若是目屎滴落心肝底
nā-sī ba̍k-sái tih lo̍h sim-kuann té
悲傷就毋是假
pi-siong tiō m̄-sī ké

戀愛的人攏仝款
luân-ài ê lâng lóng kāng-khuán
有時歡喜
ū-sî huann-hí
有時空虛
ū-sî khang-hi
為著心所愛的人來放棄
uī-tio̍h sim sóo ài ê lâng lâi hòng-khì
親像墜落一个袂醒的夢
tshin-tshiūnn tuī-lo̍h tsi̍t-ê buē tshínn ê bāng

戀愛的人攏仝款
luân-ài ê lâng lóng kāng-khuán
有時有伴
ū-sî ū-phuānn
有時孤單
ū-sî koo-tuann
捀一个甘甜的希望
phâng tsi̍t-ê kam-tinn ê hi-bāng
來過生活
lâi kuè sing-ua̍h
你若有了解
lí nā ū liáu-kái
阮的心肝就溫暖
gún ê sim-kuann tiō un-luán