花芳
《花芳》Hue-phang
江蕙 Kang Huī
——————————-
離開彼一暗 會記得故鄉的花芳
lī-khui hit tsi̍t àm, ē kì-tit kòo-hiong ê hue-phang
微微仔天未光 伊就起床來顧花欉
bî-bî-á thinn buē kng, i tiō khí-tshn̂g lâi kòo hue-tsâng
毋捌一句怨歎 育阮大漢
m̄-bat tsi̍t kù uàn-thàn, io gún tuā hàn
毋甘阮在異鄉 予風雨淋
m̄-kam gún tsāi ī-hiong hōo hong-hōo lâm
離塗的花欉 為一个夢
lī-thôo ē hue-tsâng, uī tsi̍t-ê bāng
人茫茫 海也茫茫
jîn bâng-bâng, hái iā bâng-bâng
伊恬恬咧等 阮轉來彼工
i tiām tiām teh tán, gún tńg–lâi hit kang
花蕊漸漸紅伊恬恬咧等
hue-luí tsiām-tsiām-âng, i tiām-tiām teh tán
看無伊的人 像海上船仔揣無帆
khuànn bô i ê lâng, tshiūnn hái-siōng tsûn-á tshuē bô phâng
行過遮濟冬 嘛看透人情的冷暖
kiânn kuè tsiah tsuē tang, mā khuànn thàu jîn-tsîng ē líng-luán
故鄉彼條小巷 如今猶原
kòo-hiong hit tiâu sió-hāng, jû-kim iu-guân
無仝是阮轉去 伊無咧等
bô-kāng sī gún tńg–khì, i bô teh tán
無人惜花欉 花哪會芳
bô lâng sioh hue-tsâng, hue ná ē phang
世間阿母 攏仝款
sè-kan a-bú, lóng kāng-khuán
伊恬恬咧等 阮轉來彼工
i tiām tiām teh tán, gún tńg–lâi hit kang
花蕊漸漸紅 伊已經遙遠
hue-luí tsiām-tsiām-âng, i í-king iâu-uán
啥人咧叫著我 敢是阿母的聲
siánn-lâng teh kiò tio̍h guá, kám sī a-bú ê siann
親像故鄉不時咧叫我
tshin-tshiūnn kòo-hiong put-sî teh kiò guá
伊袂閣等佇遐 毋敢來哭出聲
i buē koh tán tī hia, m̄ kánn lâi khàu tshut siann
叫阮寶貝心肝 有閒著緊轉來看我
kiò gún pó-puè sim-kuann, ū-îng tio̍h kín tńg–lâi khuànn guá
伊恬恬咧等 阮轉來彼工
i tiām tiām teh tán, gún tńg–lâi hit kang
花蕊漸漸紅 伊已經遙遠
hue-luí tsiām-tsiām-âng, i í-king iâu-uán
啦~ 啦~
lah~ lah~
花蕊漸漸紅
hue-luí tsiām-tsiām-âng
伊已經遙遠
i í-king iâu-uán
