滿天的烏
《滿天的烏》Muá-thinn ê Oo
鄭進一Tēnn Tsìn-it
——————————————
一个人
tsi̍t-ê-lâng
孤單行佇這條路
koo-tuann kiânn tī tsit tiâu lōo
這條暗暗的小路
tsit tiâu àm-àm ê sió-lōo
只看見無聊的路燈
tsí khuànn-kìnn bô-liâu ê lōo-ting
𤺪𤺪對阮咧招呼
siān-siān tuì gún teh tsio-hoo
天頂落著霎霎仔雨
thinn-tíng lo̍h tio̍h sap-sap-á hōo
沃著我滿身的寂寞
ak tio̍h guá muá-sin ê tsi̍k-bo̍k
一步一步
tsi̍t-pōo-tsi̍t-pōo
一步一步
tsi̍t-pōo-tsi̍t-pōo
我行在滿天的雨
guá kiânn tsāi muá-thinn ê hōo
不知不覺
put-ti-put-kak
想起當初彼段愛情
siūnn-khí tong-tshoo hit tuānn ài-tsîng
毋知保惜
m̄-tsai pó-sioh
一時錯誤
tsi̍t-sî tshò-gōo
一生痛苦
it-sing thòng-khóo
一个人消失在滿天的烏
tsi̍t-ê-lâng siau-sit tsāi muá-thinn ê oo
