啥物款的將來
《啥物款的將來》Siánn-mih Khuán ê Tsiong-lâi
鄭進一Tēnn Tsìn-it
——————————————
行過遐爾濟
kiânn kuè hiah-nī tsuē
生份的所在
tshinn-hūn ê sóo-tsāi
看過遐爾濟
khuànn-kuè hiah-nī tsuē
人生的無奈
jîn-sing ê bû-nāi
經過遐濟擺
king-kuè hiah tsuē pái
成功佮失敗
sîng-kong kah sit-pāi
流過遐濟擺
lâu kuè hiah tsē pái
後悔的目屎
hiō-hué ê ba̍k-sái
喔~我猶原毋知
ooh ~guá iu-guân m̄-tsai
我猶原袂當了解
guá iu-guân buē-tàng liáu-kái
我的路
guá ê lōo
哪有遐濟阻礙
ná ū hiah tsē tsóo-gāi
踮這个浮浮沉沉的情海
tiàm tsit ê phû-phû-tîm-tîm ê tsîng-hái
佇這个真真假假的世界
tī tsit ê tsin-tsin-ké-ké ê sè-kài
佗位有真心的愛
tó-uī ū tsin-sim ê ài
我的靈魂當時才會轉來
guá ê lîng-hûn tang-sî tsiah ē tńg–lâi
踮這个茫茫渺渺的人海
tiàm tsit ê bông-bông-biáu-biáu ê jîn-hái
佇這个冷冷清清的世界
tī tsit ê líng-líng-tshing-tshing ê sè-kài
我毋知是咧等待
guá m̄-tsai sī teh tán-thāi
等待啥物款的將來
tán-thāi siánn-mih khuán ê tsiong-lâi
