風雨城市
《風雨城市》Hong-hōo Siânn-tshī
鄭進一Tēnn Tsìn-it
——————————————
夜都市的深更
iā-too-tshī ê tshim-kinn
十二月的冬天
tsa̍p-jī–gue̍h ê tang-thinn
夜半冬風起
iā-puànn tang-hong khí
呋??的風聲
hu-lu-lu ê hong-siann
一陣陣的寒意
tsi̍t-tsūn-tsūn ê hân-ì
街路冷吱吱
ke-lōo líng-ki-ki
烏雲罩著天邊
oo-hûn tà tio̍h thinn-pinn
食掉月娘天星
tsia̍h tiāu ge̍h-niû thinn-tshinn
雷公無歡喜
luî-kong bô huann-hí
轟隆隆的雷聲
hong liông liông ê luî-siann
落冰冷的雨棉
lo̍h ping-líng ê hōo-mî
天地發脾氣
thinn-tē huat phî-khì
捀一杯烏咖啡
phâng tsi̍t-pue oo-ka-pi
身軀倚佇窗邊
sin-khu uá tī thang-pinn
想起你
siūnn-khí lí
離開我的彼一暝
lī-khui guá ê hit tsi̍t-mî
仝款拄著寒天
kāng-khuán tú-tio̍h kuânn-thinn
仝款小雨綿綿
kāng-khuán sió-hōo mî-mî
仝款雷公爍爁
kāng-khuán luî-kong sih-nah
一直爍
it-ti̍t sih
雖然這是一段往事
sui-jiân tse sī tsi̍t-tuānn óng-sū
一段難忘過去
tsi̍t-tuānn lân-bōng kuè-khì
一張退色反黃的相片
tsi̍t-tiunn thè-sik huán-n̂g ê siòng-phìnn
我嘛袂當
guá mā buē-tàng
將你放予袂記
tsiong lí pàng hōo buē-kì
甘願為你
kam-guān uī lí
一个人
tsi̍t-ê-lâng
孤單過日子
koo-tuann kè ji̍t-tsí
