男性的命運
《男性的命運》Lâm-sìng ê Miā-ūn
葉啟田Ia̍p Khé-tiân
——————————————
酒家燈火光微微
tsiú-ka ting-hé kng bî-bî
歌聲引阮暗傷心
kua-siann ín gún àm siong-sim
男性命運行到失戀
lâm-sìng miā-ūn kiânn kàu sit-luân
啊~只用好酒
ah~ tsí iōng hó-tsiú
只用芳薰解憂愁
tsí iōng phang hun kái iu-tshiû
啉酒猶原心憂悶
lim-tsiú iu-guân sim iu-būn
更盡天光添傷悲
kinn tsīn thinn kng thiam siong-pi
無味人生
bô-bī jîn-sing
無情女性
bô-tsîng lú-sìng
啊~春夢拍碎
ah~ tshun-bāng phah-tshuì
目屎流落怨暝長
ba̍k-sái lâu–lo̍h uàn mî tn̂g
你我愛情來拆散
lí guá ài-tsîng lâi thiah-suànn
袂食袂睏無心情
buē-tsia̍h buē-khùn bô-sim-tsiânn
一時想欲離開世間
tsi̍t-sî siūnn-bueh lī-khui sè-kan
啊~毋通怨嘆
ah~ m̄-thang uàn-thàn
毋通誤了著前途
m̄-thang gōo liáu tio̍h tsiân-tôo
