拜天公有福氣
《拜天公有福氣》Pài Thinn-kong Ū Hok-khì
侯美儀Hâu Bí-gî(馬來西亞)
——————————————
一家大細真歡喜啊
tsi̍t-ke tuā-suè tsin huann-hí–ah
慶祝天公生
khìng-tsiok Thinn-kong-sinn
家家戶戶來準備
ke-ke-hōo-hōo lâi tsún-pī
初九好日子
tshue-káu hó ji̍t-tsí
拜天公啊有福氣
pài Thinn-kong–ah ū hok-khì
拜天公啊有保庇
pài Thinn-kong–ah ū pó-pì
↓↓(口白)—(口白)↓↓
初八暗暝拜天公
tshue-pueh àm-mî pài Thinn-kong
初九正日天公生
tshue-káu tsiànn-ji̍t Thinn-kong-sinn
(天公天公來保庇)
Thinn-kong Thinn-kong lâi pó-pì
(愛健康又閣愛紙字)
ài kiān-khong iū-koh ài tsuá-jī
↑↑(口白)—(口白)↑↑
三茶五酒
sann tê gōo tsiú
金豬佮三牲
kim-tir kah sam-sing
齋菜果子
tse-tshài ké-tsí
紅卵佮壽麵
âng-nn̄g kah siū-mī
發粿發啊
huat-ké huat–ah
年粿甜甜
nî-ké tinn-tinn
富貴千萬年
hù-kuì tshian-bān nî
一對甘蔗誥錢掛兩邊
tsi̍t-tuì kam-tsià kò-tsînn kuà nn̄g-pinn
閣有元寶壽金龍袍天公金
koh ū guân-pó siū-kim lîng-phâu Thinn-kong-kim
拜天公愛有誠心
pài Thinn-kong ài ū sîng-sim
緊來點你著緊來拜
kín lâi tiám lí to̍h kín lâi pài
拜天公愛穿媠媠
pài Thinn-kong ài tshīng suí-suí
穿媠媠予你趁大錢
tshīng suí-suí hōo lí thàn tuā-tsînn
天公伯仔有求必應
Thinn-kong-peh–á iú-kiû pit-ìng
逐家攏發財啊
ta̍k-ke lóng huat-tsâi–ah
