戇戇食天公
《戇戇食天公》Gōng-gōng Tsia̍h Thinn-kong
侯美儀Hâu Bí-gî(馬來西亞)
——————————————
逐家來聽我講
ta̍k-ke lâi thiann guá kóng
有時著欲佯戇戇
ū-sî tio̍h-beh tìnn-gōng-gōng
想欲食啊毋討趁
siūnn-beh tsia̍h–ah m̄ thó-thàn
世間哪有遮輕鬆
sè-kan ná-ū tsiah khin-sang
好歹命你免怨嘆
hó-pháinn miā lí bián uàn-thàn
做牛做馬也甘願
tsuè-gû tsuè-bé iā kam-guān
人比人攏會氣死人
lâng pí lâng lóng ē khì-sí lâng
勸你毋通創治人
khǹg lí m̄-thang tshòng-tī lâng
做較散到來無半項
tsuè khah sàn kàu–lâi bô-puànn-hāng
較苦也是無彩工
khah khóo iā-sī bô-tshái-kang
所食伊大碗公
sóo tsia̍h i tuā uánn-kong
做事伊閃西風
tsuè-sū i siám-sai-hong
人人攏會按呢講
lâng lâng lóng ē án-ne kóng
想鐳想甲狂
siūnn lui siūnn kah kông
人人攏會按呢講
lâng lâng lóng ē án-ne kóng
戇戇食天公
gōng-gōng tsia̍h Thinn-kong
戇戇食天公
gōng-gōng tsia̍h Thinn-kong
