快樂的油漆工
《快樂的油漆工》Khuài-lo̍k ê Iû-tshat-kang
郭大誠Kueh Tāi-sîng
——————————————
我就是流浪的
guá tsiū-sī lâu-lōng ê
快樂油漆工
khuài-lo̍k iû-tshat-kang
無論是南北部
bô-lūn sī lâm-pak-pōo
到處行透透
tò-tshù kiânn thàu-thàu
毋知有啥人
m̄-tsai ū siánn-lâng
欲叫我去油漆
beh kiò guá khì iû-tshat
著緊來來
tio̍h kín lâi lâi
吧吧吧吧吧吧彪
pa pa pa pa pa pa piu
tsu̍t落去tsu̍t落去
tsu̍t–lo̍h-khì tsu̍t–lo̍h-khì
tsu̍t落去tsu̍t落去
tsu̍t–lo̍h-khì tsu̍t–lo̍h-khì
慷慨的人客
khóng-khài ê lâng-kheh
提錢予我來畫餅
the̍h tsînn hōo guá lâi uē piánn
有人講我就是
ū-lâng kóng guá tsiū-sī
衛生苦力唷
uē-sing ku-lí–iooh
但是我
tān-sī guá
毋驚人對我的批評
m̄-kiann lâng tuì guá ê phe-phîng
只要是有人
tsí-iàu sī ū-lâng
欲叫我去趁錢
beh kiò guá khì thàn-tsînn
請恁來來
tshiánn lín lâi lâi
吧吧吧吧吧吧彪
pa pa pa pa pa pa piu
tsu̍t落去tsu̍t落去
tsu̍t–lo̍h-khì tsu̍t–lo̍h-khì
tsu̍t落去tsu̍t落去
tsu̍t–lo̍h-khì tsu̍t–lo̍h-khì
是為著生活
sī uī-tio̍h sing-ua̍h
我毋驚艱苦拍拚
guá m̄-kiann kan-khóo phah-piànn
七八早就出門
tshit-pueh-tsá tsiū tshut-mn̂g
做到拄暝昏
tsò kàu tú mê-hng
規身體像花猴
kui sin-thé tshiūnn hue-kâu
較遠也著走
khah hn̄g iā tio̍h tsáu
無論是漆油桶
bô-lūn sī tshat iû tháng
抑是糞埽桶
ia̍h-sī pùn-sò-tháng
做恁來來
tsuè lín lâi lâi
吧吧吧吧吧吧彪
pa pa pa pa pa pa piu
tsu̍t落去tsu̍t落去
tsu̍t–lo̍h-khì tsu̍t–lo̍h-khì
tsu̍t落去tsu̍t落去
tsu̍t–lo̍h-khì tsu̍t–lo̍h-khì
看恁欲怎樣
khuànn lín beh tsuánn-iūnn
我一定予恁滿意
guá it-tīng hōo lín buán-ì
