留戀夜都市
《留戀夜都市》Liû-luân Iā Too-tshī
郭大誠Kueh Tāi-sîng(天祥Thian-siông)
——————————————
可愛的都市
khó-ài ê too-tshī
安靜的月光暝
an-tsīng ê ge̍h-kng-mî
彼日見面暗歡喜
hit-ji̍t kìnn-bīn àm huann-hí
意愛糖蜜甜
ì-ài thn̂g-bi̍t-tinn
小姑娘思戀時
sió-koo-niû su-luân sî
對阮笑微微
tuì gún tshiò bî-bî
可惜阮是流浪兒
khó-sioh gún sī liû-lōng-jî
著愛轉鄉里
tio̍h-ài tńg hiunn-lí
唱出留戀好歌詩
tshiùnn-tshut liû-luân hó kua-si
期待再會夜都市
kî-thāi tsài-huē iā too-tshī
懷念的都市
huâi-liām ê too-tshī
黃昏的臺北市
hông-hun ê Tāi-pak-tshī
音樂聲音奏情詩
im-ga̍k siann-im tsàu tsîng-si
引阮心綿綿
ín gún sim mî-mî
妹有情我有義
muē ū-tsîng guá ū-gī
相招啉咖啡
sio-tsio lim ka-pi
可惜阮是流浪兒
khó-sioh gún sī liû-lōng-jî
著愛轉鄉里
tio̍h-ài tńg hiunn-lí
唱出留戀好歌詩
tshiùnn-tshut liû-luân hó kua-si
期待再會夜都市
kî-thāi tsài-huē iā too-tshī
繁華的都市
huân-huâ ê too-tshī
黃昏的圓環邊
hông-hun ê înn-khuân pinn
人山人海滿滿是
jîn-san jîn-hái muá-muá-sī
夜景鬥人意
iā-kíng tàu jîn-ì
青紅燈滿滿是
tshinn-âng-ting muá-muá-sī
招阮情不移
tsio gún tsîng put-î
可惜阮是流浪兒
khó-sioh gún sī liû-lōng-jî
著愛轉鄉里
tio̍h-ài tńg hiunn-lí
唱出留戀好歌詩
tshiùnn-tshut liû-luân hó kua-si
期待再會夜都市
kî-thāi tsài-huē iā too-tshī
