杯中的人影
《杯中的人影》Pue-tiong ê Lâng-iánn
鄭琇月Tēnn Siù-gua̍t
——————————————
手捀著一杯酒
tshiú phâng tio̍h tsi̍t-pue tsiú
想欲解消滿腹的憂愁
siūnn-beh kái-siau muá-pak ê iu-tshiû
無論會變成怎樣
bô-lūn ē piàn-sîng tsuánn-iūnn
啉落去
lim–lo̍h-khì
莫閣想
mài koh siūnn
茫茫的窗外
bông-bông ê thang-guā
綿綿的雨水
mî-mî ê hōo-tsuí
一直落袂煞
it-ti̍t lo̍h buē-suah
兩蕊目睭金金看
nn̄g-luí ba̍k-tsiu kim-kim khuànn
花中的人來做伴
hue-tiong ê lâng lâi tsuè-phuānn
啥人了解阮心肝
siánn-lâng liáu-kái gún sim-kuann
心愛的人放捒我
sim-ài ê lâng pàng-sak guá
害阮心內寂寞孤單
hāi gún sim-lāi tsi̍k-bo̍k koo-tuann
