夢中再做堆
《夢中再做堆》Bāng-tiong Tsài Tsuè-tui
陳祈信Tân Kî-sìn
——————————————
裝著笑容來離開
tsng tio̍h tshiò-iông lâi lī-khui
紅紅的目睭
âng-âng ê ba̍k-tsiu
毋願流珠淚
m̄-guān lâu tsu-luī
過去的綿綿情意
kuè-khì ê mî-mî tsîng-ì
嘛比袂過天的創治
mā pí bē-kuè thinn ê tshòng-tī
月老姻緣簿無咱的名字
gua̍t-nóo in-iân-phōo bô lán ê miâ-jī
這也是天意
tse iā-sī thinn-ì
註定袂當伴相隨
tsù-tiānn buē-tàng phuānn-siong-suî
別人是雙雙對對
pa̍t-lâng sī siang-siang tuì-tuì
糖甘蜜甜
thn̂g-kam bi̍t-tinn
咱是天涯海角
lán sī thian-gâi hái-kak
一人一位
tsi̍t-lâng tsi̍t-uī
是甜是苦是傷悲
sī tinn sī khóo sī siong-pi
只有自己安慰家己
tsí-ū tsū-kí an-uì ka-kī
期待夢中有你
kî-thāi bāng-tiong ū lí
夢中再做堆
bāng-tiong tsài tsuè-tui
