勇敢
《勇敢》Ióng-kám
陳祈信Tân Kî-sìn
——————————————
一个人一款夢
tsi̍t-ê lâng tsi̍t-khuán bāng
雖然你我無相仝
sui-jiân lí guá bô sio-kāng
仝款為著實現咱的夢
kāng-khuán uī-tio̍h si̍t-hiān lán ê bāng
懷抱希望
huâi-phō hi-bāng
青春是有限
tshing-tshun sī iú-hān
機會無時間等閒人
ki-huē bô-sî-kan tán îng-lâng
為著人生前途向望
uī-tio̍h jîn-sing tsiân-tôo ǹg-bāng
我拍拚無閬縫
guá phah-piànn bô làng-phāng
人生有坎站
jîn-sing ū khám-tsām
難免有時心茫茫
lân-bián ū-sî sim bâng-bâng
勇敢面對挑戰的人
ióng-kám bīn-tuì thiau-tsiàn ê lâng
逆風會飛愈懸
gi̍k-hong ē pue jú kuân
有夢是勇敢
ū bāng sī ióng-kám
勇敢的人敢做夢
ióng-kám ê lâng kánn tsuè-bāng
毋願青春空轉
m̄-guān tshing-tshun khang-tsuán
我心中充滿希望
guá sim-tiong tshiong-buán hi-bāng
人生愛勇敢
jîn-sing ài ióng-kám
勇敢追求我的夢
ióng-kám tui-kiû guá ê bāng
跤踏實地
kha ta̍h si̍t-tē
雙手實現夢的人
siang-tshiú si̍t-hiān bāng ê lâng
不平凡
put-pîng-huân
