早年歡樂今日苦
《早年歡樂今日苦》Tsá-nî Huan-lo̍k Kim-ji̍t Khóo
李俊德Lí Tsùn-tik
——————————————
啥人知
siánn-lâng tsai
到現在
kàu hiān-tsāi
阮又倒轉來
gún iū tò-tńg–lâi
看見著青紅燈光
khuànn-kìnn tio̍h tshinn-âng-ting kng
心內真悲哀
sim-lāi tsin pi-ai
像彼時酒場女兒
tshiūnn hit-sî tsiú-tiûnn lú-jî
予阮假情愛
hōo gún ké tsîng-ài
又來騙去阮錢財
iū lâi phiàn khì gún tsînn-tsâi
害著阮
hāi-tio̍h gún
流浪天涯走東西
liû-lōng thian-gâi tsáu tang-sai
怨恨家己不應該
uàn-hūn ka-kī put-ing-kai
珠淚流出來
tsu-luī lâu–tshut-lâi
看見著酒場內
khuànn-kìnn tio̍h tsiú-tiûnn lāi
人客滿滿是
lâng-kheh muá-muá-sī
迷人的五彩燈光
bê-lâng ê ngóo-tshái ting-kng
又閣得人意
iū-koh tit lâng-ì
有真濟青春少年
ū tsin tsē tshing-tshun siàu-liân
大家笑微微
tāi-ke tshiò bi-bi
毋知何時才會醒
m̄-tsai hô-sî tsiah ē tshínn
希望你
hi-bāng lí
毋通貪戀薰酒味
m̄-thang tham-luân hun-tsiú bī
吉他為你彈一條
gì-tah uī lí tuânn tsi̍t-tiâu
傷心的歌詩
siong-sim ê kua-si
暗淡的彼條路
àm-tām ê hit tiâu lōo
人生的航路
jîn-sing ê hâng-lōo
阮已經毋免予人
gún í-king m̄-bián hōo-lâng
共阮來照顧
kā gún lâi tsiàu-kòo
酒場的女兒
tsiú-tiûnn ê lú-jî
猶原妖嬌好模樣
iu-guân iau-kiau hó bôo-iūnn
阮是已經無再想
gún sī í-king bô tsài siūnn
趕緊來
kuánn-kín lâi
認真拍拚毋驚苦
jīn-tsin phah-piànn m̄-kiann khóo
吉他為人來唸歌
gì-tah uī lâng lâi liām-kua
也是為前途
iā-sī uī tsiân-tôo
