請你想看覓
《請你想看覓》Tshiánn Lí Siūnn Khuànn-māi
俞隆華Jû Liông-huâ
——————————————
自咱做陣到現在
tsū lán tsuè-tīn kàu hiān-tsāi
感情一向攏袂䆀
kám-tsîng it-hiòng lóng buē-bái
最近到底為啥代
tsuè-kīn tàu-tué uī-siánn-tāi
按怎哪會攏毋來
án-tsuánn ná ē lóng m̄ lâi
準備若欲分東西
tsún-pī nā bueh hun tang-sai
嘛著當面講我知
mā tio̍h tng-bīn kóng guá tsai
準講對我有誤解
tsún-kóng tuì guá ū gōo-kái
嘛著當面講看覓
mā tio̍h tng-bīn kóng khuànn-māi
—
恬恬毋講我哪知
tiām-tiām m̄ kóng gáu ná tsai
到底咱也一段愛
tàu-té lán iā tsi̍t-tuānn ài
離開互相會傷害
lī-khui hōo-siong ē siong-hāi
請你想好才應該
tshiánn lí siūnn hó tsiah ing-kai
