愛情是幸福的所在
《愛情是幸福的所在》Ài-tsîng Sī Hīng-hok ê Sóo-tsāi
彭莉Phênn Lī(彭立Phênn Li̍p)
——————————————
青春親像一蕊花
tshing-tshun tshin-tshiūnn tsi̍t-luí hue
開的時陣遮爾美麗
khui ê sî-tsūn tsiah-nī bí-lē
經過風風雨雨的轉變
king-kuè hong-hong-ú-ú ê tsuán-piàn
鼻著陣陣的花芳味
phīnn-tio̍h tsūn-tsūn ê hue-phang bī
愛情總是予人痴迷
ài-tsîng tsóng-sī hōo-lâng tshi-bê
愛到心肝綴伊飛
ài kah sim-kuann tuè i pue
一句甜蜜的戀愛話
tsi̍t-kù tinn-bi̍t ê luân-ài uē
甘酸苦澀攏無怨慼
kam-sng khóo-siap lóng bô uàn-tsheh
伊是我上純情的夢
i sī guá siōng sûn-tsîng ê bāng
一世人袂當將你放
tsi̍t-sì-lâng buē-tàng tsiong lí pàng
對你的思念
tuì lí ê su-liām
摻著淡薄仔虧欠
tsham tio̍h tām-po̍h-á khui-khiàm
因為我知影
in-uī guá tsai-iánn
咱真正無仝
lán tsin-tsiànn bô-kāng
伊是我上純情的夢
i sī guá siōng sûn-tsîng ê bāng
一世人袂當將你放
tsi̍t-sì-lâng buē-tàng tsiong lí pàng
對你的思念
tuì lí ê su-liām
摻著淡薄仔感慨
tsham tio̍h tām-po̍h-á kám-khài
若愛情是幸福的所在
nā ài-tsîng sī hīng-hok ê sóo-tsāi
