啥物叫做真情
《啥物叫做真情》Siánn-mih Kiò-tsò Tsin-tsîng
黃三元N̂g Sam-guân
——————————————
啥物叫做真情
siánn-mih kiò-tsò tsin-tsîng
啥物是真愛
siánn-mih sī tsin-ài
我全然袂了解
guá tsuân-jiân buē liáu kái
啊~女性的心肝咧變
ah~ lú-sìng ê sim-kuann teh piàn
實在真厲害
si̍t-tsāi tsin lī-hāi
有錢的時
ū-tsînn ê sî
對我笑咍咍
tuì guá tshiò-hai-hai
若是失敗
nā sī sit-pāi
笑我是戇大呆
tshiò guá sī gōng-tuā-tai
悲哀啊欸啊悲哀
pi-ai–ah-eh-ah pi-ai
明知伊是假情佮假愛
bîng-tsai i sī ké-tsîng kah ké-ài
偏偏為伊墜落在苦海
phian-phian uī i tuī-lo̍h tsāi khóo-hái
啥物叫做真情
siánn-mih kiò-tsò tsin-tsîng
啥物是真愛
siánn-mih sī tsin-ài
我全然攏毋知
guá tsuân-jiân lóng m̄-tsai
啊~女人的心肝
ah~ lú lâng ê sim-kuann
親像八月的風颱
tshin-tshiūnn peh-ge̍h ê hong-thai
無時無陣
bô-sî-bô-tīn
隨時會變歹
suî-sî ē piàn pháinn
全然無想
tsuân-jiân bô siūnn
你佮我的將來
lí kah guá ê tsiong-lâi
悲哀啊悲哀
pi-ai–ah pi-ai
明知女性咧變真厲害
bîng-tsai lú sìng teh piàn tsin lī-hāi
偏偏為伊這款的痴獃
phian-phian uī i tsit khuán ê tshi-gâi
