陪你散步踮在充滿白翎鷥的一片土地
《陪你散步踮在充滿白翎鷥的一片土地》Puê Lí Sàn-pōo Tiàm-tsāi Tshiong-buán Pe̍h-līng-si ê tsi̍t-phìnn Thóo-tē
農村武裝青年樂團 Lông-tshuan Bú-tsong Tshing-liân Ga̍k-thuân
——————————————
禮拜六的彼工下晡
lé-pài-la̍k ê hit-kang ē-poo
咱駛往宜蘭的蘇花公路
lán sái óng Gî-lân ê Soo-hua-kong-lōo
看著白翎鷥
khuànn-tio̍h pe̍h-līng-si
對頭前飛過
tuì thâu-tsîng pue–kuè
你講蘭陽平原
lí kóng Lân-iông-pîng-guân
是遐爾仔美麗
sī hiah-nī-á bí-lē
白翎鷥對咱講話
pe̍h-līng-si tuì lán kóng-uē
伊講大自然
i kóng tāi-tsū-jiân
是上媠的景色
sī siōng suí ê kíng-sik
請恁珍惜
tshiánn lín tin-sioh
蘭陽平原的美麗
Lân-iông-pîng-guân ê bí-lē
毋通用水泥
m̄-thang iōng tsuí-nî
鞏甲滿四界
khōng kah muá-sì-kè
想欲陪你
siūnn-beh puê lí
做陣散步
tsuè-tīn sàn-pōo
踮在充滿白翎鷥的
tiàm-tsāi tshiong-buán pe̍h-līng-si ê
彼片土地
hit phìnn thóo-tē
想欲𤆬你
siūnn-beh tshuā lí
飛向天頂
pue hiòng thinn-tíng
所有綠色
sóo-ū li̍k-sik
攏佇咱的眼前
lóng tī lán ê gán-tsîng
牽著你的手
khan tio̍h lí ê tshiú
看著咱的未來
khuànn tio̍h lán ê bī-lâi
親像頭前綠色的美麗
tshin-tshiūnn thâu-tsîng li̍k-sik ê bí-lē
看著你的笑容
khuànn tio̍h lí ê tshiò-iông
親像日頭當中
tshin-tshiūnn ji̍t-thâu tang-tiong
藍色的太平洋
nâ-sik ê Thài-pîng-iûnn
—
人生的夢
jîn-sing ê bāng
一生才一擺
it-sing tsiah tsi̍t-pái
想欲佮你
siūnn-beh kah lí
等待咱的世界
tán-thāi lán ê sè-kài
充滿白翎鷥
tshiong-buán pe̍h-līng-si
自由的色彩
tsū-iû ê sik-tshái
親像我對你
tshin-tshiūnn guá tuì lí
單純的期待
tan-sûn ê kî-thāi
